Skilmálar fyrir fjárfestingu í ITHG Dental AI ehf. – Seed fjármögnun 2025

ITHG Dental AI ehf. („Félagið“) stendur fyrir opnu hlutafjárútboði til að tryggja fjármagn til áframhaldandi þróunar og markaðssóknar. Hér að neðan eru meginatriði sem gilda um kaup á hlutafé á þessu stigi:

1. Eignarhlutur og verðlagning

Fjárfestingartilboð eru í eftirfarandi stöðluðum einingum:

Share Amount (ISK)
1,000% 4.000.000 ISK
0,500% 2.000.000 ISK
0,250% 1.000.000 ISK
0,125% 500.000 ISK
  • Heildarmat félagsins („pre-money valuation“) er 400.000.000 ISK
  • Eignarhlutur telst ekki virkur og engin skráning í hlutaskrá á sér stað fyrr en stjórn félagsins hefur formlega samþykkt fjárfestinn og greiðsla hefur farið fram.

2. Samþykki stjórnar

  • Félagið áskilur sér rétt til að samþykkja eða hafna hverju fjárfestingartilboði.
  • Kaupandi fær tölvupóst um samþykki ásamt greiðsluupplýsingum og greiðslufresti.
  • Einungis við móttöku greiðslu innan greiðslufrests fer skráning í hlutaskrá fram.

3. Réttindi hluthafa

  • Kaupandi öðlast full réttindi sem hluthafi samkvæmt lögum um einkahlutafélög nr. 138/1994, með síðari breytingum, þar með talið atkvæðisrétt og arðgreiðslurétt.
  • Hlutafé verður skráð í hlutaskrá félagsins við móttöku greiðslu og formlega staðfestingu af hálfu stjórnar.

4. Engin ábyrgð eða örugg endursala

  • Fjárfesting þessi felur í sér áhættu og er ætluð aðilum sem gera sér grein fyrir eðli og umfangi áhættunnar.
  • Hlutabréf félagsins eru ekki skráð á markaði og erfitt getur reynst að selja þau áfram.
  • Fjárfestar eru hvattir til að kynna sér félagið ítarlega og leita sjálfstæðrar ráðgjafar áður en ákvörðun er tekin.

5. Notkun fjármagns

Fjármögnunin framundan – nú og haustið 2025
ITHG Dental AI sækir nú allt að 30 milljónir ISK í lokahluta Seed fjármögnunar til að fjármagna eftirfarandi skref:

  • Klára fyrstu tvær módúlur Oraxs hugbúnaðarins (Oraxs Book og Oraxs Connect)
  • Hefja formlega starfsemi í Bandaríkjunum, með skrifstofu í Raleigh, NC
  • Ræsa söluferli á lykilmörkuðum: Íslandi, Noregi og Svíþjóð

Þetta er lokaskref Seed fjármögnunar. Næsta skref verður Series A fjármögnun í september/október 2025, þegar fyrstu vörur eru tilbúnar og í notkun hjá viðskiptavinum.

6. Lögsaga og skilmálar

  • Öll viðskipti fara fram í samræmi við íslensk lög og fellur ágreiningur undir Héraðsdóm Reykjavíkur.
  • Með því að fylla út og undirrita sölusamning samþykkir kaupandi ofangreinda skilmála að fullu.

ATHUGIÐ:

  • Um er að ræða fjárfestingu á frumstigi (Seed round) og er fjöldi hluta sem í boði eru takmarkaður.
  • Félagið áskilur sér rétt til að hætta sölu hvenær sem er eða breyta forsendum fjármögnunar án fyrirvara.
  • Fjárfestingartilboð þetta telst ekki til útboðs samkvæmt lögum um verðbréfaviðskipti nr. 108/2007 þar sem heildarfjárhæð útboðsins fer ekki yfir viðmiðunarfjárhæð 8 milljónir evra á tólf mánaða tímabili, sbr. undanþáguákvæði 1. mgr. 50. gr. laganna.

Fyrirspurnir og skráning

👉 Farið á www.ithgdental.ai/invest
📧 info@ithg.ai

Til baka í Fjárfestingu